賈小姐急不及待拉我坐到時裝表演後台一角：點啫？點啫？香港最近點啫？
有乜嘢點啫？
你地喺深圳，睇到香港電視報導㗎？相比甚少睇電視嘅我，知得可能更多；係咁㗎啦，時代革命嘛。
點會一樣啫？
呢度係深圳，深圳河對面係香港，能睇不能睇點會一樣？
類同的問答在過去幾個月，不斷北上工作期間經歷無數次；北面的朋友始終認為所聽所聞定不詳盡，肯定有遺漏，必須從一名香港人口中求證。
天地良心，能講的，大家都知道，毋庸再稟。
再過幾天，公幹珠海，會場上碰到老朋友小李小陳，坐下聊天話題同樣回到香港「革命」。小陳話題與深圳小賈並其他人無數次發問的內容根本相同，無甚新意。
此間時局日日大同小異，不同只是開花地點；小李稍聽，不發問，掉轉頭向我報道他身邊同事、朋友、尤其內地年輕人、他家的兒女因香港狀況而改變初衷，對黨對國家都出現的另類改變。
我地呢啲已經為人老豆老母，真係好多謝香港人，尤其學生、黑衣人；仔女後生反叛完全明白，自己都曾經少年、經歷六四。不過今時唔同往日，祖國強勢毋庸質疑，點解班後生唔支持祖國？唔愛國？口裏不說，心裏反共。幾個月前邀請佢地參加單位七十國慶聯歡上北京咁有意思、咁重要嘅日子，竟然一口拒絕：你地老人家隨便，千祈咪預我！乜嘢態度先？
好喇，真係多謝、多謝晒「時代革命、光復香港」；呢邊電視新聞邊度有咁多嘢俾你睇？後生嘅網絡資料多過黃河水，從最初設法落香港參加遊行，班衰仔忽然轉態，毋須我哋花費唇舌，竟然答應陪兩老上京，感受「嘩，不得了……我的國！」