【本報訊】政府繞過立法會緊急推出蒙面法，任文職的黃先生自行製作文宣，昨日下午在旺角街道派發傳單，解釋緊急法禍害。他指，蒙面法是濫用緊急法的第一步，政府未來會繼續藉緊急法剝奪港人自由和權利，「佢整個蒙面法唔會止暴制亂，反而更加激起民憤，呢個係好奇怪狀況，政府究竟想停，定件事更犀利？」
今蒙面遊行
關於蒙面法司法覆核周二會開審，他建議港人這兩天先「儲氣」，再決定下一步行動。黃先生自言是「超級和理非」，今日仍會參加港島遊行，「我覺得始終都要行出嚟，唔好話去衝擊，行出嚟話畀政府聽，你宵禁囉，你禁蒙面囉。我哋照樣蒙面照樣行出嚟。我哋唔會咁易屈服」。
他指，今日蒙面可能被警方拘捕，但自己有心理準備，「你拉囉，和理非唔代表唔公民抗命。和理非係和平理性非暴力，但係我可以進行我形式公民抗命。如果遊行你唔好話100萬人，你幾十萬人個個戴口罩蒙面嘅，你咪拉囉，幾十萬人你拉去邊？」黃先生呼籲，人數是最好防守，人民不要恐懼，「政府點都係有下一着，但我哋作為市民，我自己角度就係，對於唔公平法例，我哋唔可以遵守，呢個係公民抗命基本原則」。
■記者潘柏林