【財經專題】一場反送中風暴，令香港面目全非，平日的鬧市已變得越來越清靜。記者到銅鑼灣走了一圈，發現倒閉潮已漸漸殺到，吉舖處處，隨便數數已發現27個之多。香港8月零售數據亦大跌23%，銷售金額縮至10年前一樣，有業內人士指街舖租金雖已回落，但傳統旺區舖位依舊無人問津，業主尋找長租客不成，因而轉為向短租散貨場埋手。
記者：鍾耀恆、吳美茸
專賣碗碟民生貨品的王先生，人稱「缸瓦佬」，近期接到大量地產經紀來電，每星期都有逾十個舖位讓他選擇，昔日數十萬元月租一間的銅鑼灣舖，如今短租價回落至10萬元以下。王先生亦密密在港島區睇舖，但坦言暫不考慮傳統旺區，因港人現時不敢出街，去得遠就怕無車回家，因此開舖都傾向選擇西環、灣仔、觀塘、荃灣等民生住宅區，做街坊生意。
「其實好幾年冇喺港島區做過，呢幾年啲舖全部係藥房，一係就做食肆，我哋冇辦法畀租，見到香港人消費模式慢慢變咗，我都轉為去近住宅地區。」採訪當日是缸瓦佬在堅尼地城新舖開店首日，早上10點左右已見店內人頭湧湧。他說兩日前才簽約收鎖匙，只花一日裝冷氣裝燈，之後將早已準備好的貨架連貨送到，第三日就可以開工做生意。
保險公司拒承保元朗店
王先生舉例，假如一間舖月租5萬元，日租就是千多元，加上兩名員工日薪共千多元，每日的成本就是約三千多元，每日做到六至七千元生意，就夠生存。碗碟是民生必需品，但利潤不及藥妝及珠寶首飾，因此這類小店最多只能負擔8萬元租金左右。
近月旅遊及零售市道轉差，王先生認為可能是好事，始終市場需要調整，「舖租咁貴，好似旺角豉油街8呎乘10呎都租3萬蚊，可以賣咩呢？租金平番落嚟，就好多民生舖都做得到，最緊要客買得開心，啲貨又靚又平。」然而，持續示威對缸瓦佬生意亦帶來負面影響，尤其在旺角警署附近的總店，不時因大規模封路、封港鐵，導致生意大跌，估計蝕了幾十萬元。為了自救，他關了部份生意不佳的分店，9月更轉移到各大商場做展銷，追回損失。
「元朗以前都好好㗎，因為好多新家庭入住，會去大馬路、教育路買嘢，但自從有事發生之後，見到啲人好似鍾意出荃灣買，我哋之前間元朗舖，一到夜晚七點，半條街冇晒人，人人都唔敢行夜街，所以元朗區都係做唔掂。」除了治安問題，王先生更指保險公司不願承擔元朗店的第三者責任保險，「可能要加好多保費，但我問佢哋加幾多都根本唔答，所以買唔到保險，我哋都唔會再做元朗。」
籲年輕人放膽出外嘗試
缸瓦佬這招牌不經不覺已做了廿年，雖然不時搬舖，但靠着社交平台一直跟熟客聯絡。去年更將品牌帶到馬來西亞，現已有11間分店，最大一間達4,000平方呎，而租金只是香港十分之一，營業額則做到香港三、四成，「做生意要有危機感，每年都有唔同危機要拆，所以心入面要成日諗變，唔好一無生意就賴呢個賴嗰個，淘寶夠勁啦！都害死好多傳統生意㗎！」
王先生靠着香港人最厲害的靈活變通，無懼風雨，他奉勸年輕人應放膽出外嘗試，不要被困在一個地方，「香港人係國際兒女，如果覺得喺香港諗唔掂，應該要衝出去，我都後悔走得遲，唔使喺香港做來做去都係養班業主。」