【升級抗爭】
【本報訊】特首林鄭月娥在記者會上聲稱，《蒙面法》對青年人甚至其師友家人都有阻嚇作用。本報昨日向多名曾經蒙面在前線抗爭的年輕人了解，他們均異口同聲表示，打壓越大反抗越大，不會因為新法例而放棄抗爭。有「衝衝子」表明，反正都對被捕與嚴刑，「咁樣係唔會令我驚㗎！」
記者：梁嘉麗 陳芷昕 鄭祉愉
16歲前線抗爭者娜娜（化名）批評蒙面法是剝削香港人的基本人權，「係你哋逼我哋㗎，一切都係林鄭月娥政府親手造成，佢𠵱家立法，只會令我哋更加團結」。她口中的「我哋」，是前線的「衝衝子」，亦泛指香港人。她說衝衝子不會因為立法而放棄抗爭，反而會走得更前、手法更激烈，「佢哋逼香港人行緊烏克蘭條路，由開槍一刻我哋已經行緊」。
在示威現場戴口罩會觸犯法例，近期抗爭行動中，前線都會戴上口罩到達現場，行動時再進一步「上裝」戴頭盃防毒面罩等。大學生平平（化名）表示一點也不怕，「其實我一般都唔戴口罩，唔戴安全啲。其實邊避得咁多，我就覺得要Be Water，如果你出到金鐘見冇人戴口罩，得你自己戴，實走唔甩喇。面對惡法我哋係要反抗，但係都要執生」。
「對抗緊整個政權」
在前線擔任「消防員」的Britney（化名）說：「咁樣係唔會令我驚㗎！」她解釋：「法律已經失效，我哋𠵱家對抗緊嘅唔係某一條法律，係對抗緊成個政權！反正平時蒙住都係charge咁多，立唔立呢條法根本冇分別。」她就讀的大學校園裏，幾乎有八成同學戴上口罩。得悉政府正式頒佈禁蒙面法一刻，正在上課的同學突然大聲呼叫：「香港獨立！」
曾經在抗爭現場縱火的兔兔（化名）亦說，她並不會因此而卻步：「本身𠵱家大部份活動都冇不反對通知書，我哋上街本身就已經係犯法，加上做得前線本來被捕風險已經好高，唔會因為一條咁嘅法案仔就驚。」她強調今後一切行動不變：「照戴面罩，企喺最前，守護香港。」
對於勇武派抗爭者Y而言，「（蒙面法）最大影響係大家可以無視政府了」。另一位曾在示威中受傷的示威者S亦指出，蒙面法只加劇中共政權壓迫感，對勇武派行動上不會有任何影響，「勇武只會越嚟越勇武」，又表示「（行動）可以升級一定會升級」，頂多令和理非人數下降，或造成反效果，令更多人蒙面遊行集會。
前線示威者W同意，示威有可能更激進，「唔明政府點解仲要火上加油」。面臨最高刑罰監禁一年，他表示一旦有警員近身，「相信自己已被拘捕，最重嘅法都唔會係蒙面法，所以唔會有任何憂慮」。昨日政府記者會中，林鄭指示威者蒙面為逃避法律責任，S反駁為何警員獲豁免蒙面執法，「大家都係做犯法嘢，如果真係咁公平公正，大家一齊唔好蒙面，狗（警察）都係為咗打人冇後顧之憂」。
W更說：「我哋仲有咩可以驚？死都唔驚！」