韓馬利（Mary姐）今年8月患上腦膜炎的，出院後閉關調理，不過前日她終於出關，出席藝人聚會，今次是她病癒後首曝光。毛舜筠前晚在微博上載一張大合照，相中見Mary姐身形明顯比前消瘦，穿上厚衫，精神尚算不錯。
Mary姐昨日回覆《蘋果》時說：「唔係㗎，我死頂，𠵱家都好唔妥，日日都睇醫生，又中又西，食藥都食到儍咗，中西醫都話之前腦膜炎入院，打咗兩個幾禮拜抗生素，要消炎，身體機能散晒。我要有排調理，𠵱家仲手震、腳震，最弊完全冇胃口食唔落嘢，個人好攰又失眠，都唔知睇乜嘢醫生好。」
大肚蔡少芬興奮
其實Mary姐患病以來身體持續虛弱，經常疲倦，令一向活躍的她暫時絕迹社交場合，不過，幸得細心老公杜燕歌細心照顧，日漸康復的她，當然按捺不住要見見舊朋友。
大合照中，除了Mary姐、毛姐及黃愷欣，還有商天娥、陳法蓉及腹大便便的蔡少芬（Ada）。Ada於6月宣佈懷上第三胎，估計她陀B已有7個月。大合照中她企在後排，一手托住巨肚，一手舉V，表現相當興奮。毛舜筠留言：「友誼永固。」而陳法蓉都有轉載帖文，並說：「愛愛愛你們。」看來兩個年代的花旦完全沒有代溝。
採訪︰陳杰