林子博太太Shirley數月前，患上極罕有癌症「平滑肌肉瘤（腹腔）」第四期，癌細胞擴散身體各處，要應付龐大醫藥費，令他經濟更促襟見肘。據子博了解，平均10萬人僅有一個病例，在香港僅得十個八個，所以很想送太太到美國就醫。子博表示：「暫時有四個人經過社交平台搵咗我同我太太，佢哋都係呢個病嘅患者。呢幾個人搵咗我太太之後，佢個人釋懷咗，有啲（患者）有呢個病時係2013年，有啲係2014年，但至少佢哋𠵱家喺度。」
子博指太太的癌症不能開刀：「一開刀就走得仲快，半年之內復發，所以我太太一直都覺得自己係倒數緊。」子博又指有人替他聯絡美國的NGO組織：「𠵱家都係好初步階段研究緊，可能嚟緊都有需要飛過去當地，所以我都諗緊點樣去解決呢個問題。唔知得唔得，但起碼多咗個途徑去試先。」