服務咗恒生銀行（011）四分一個世紀嘅張樹槐（水哥），今年5月正式退休，轉任行政總裁高級顧問。不過仲有心有力嘅佢，就未真係諗住咁快嘆世界，近排佢選擇創業開公關公司，唔只湊金融客，鍾意跑步嘅佢希望撈埋體育。
所以佢開嗰間公司名叫「達人」，除咗食住佢金融界「跑步達人」呢個朵，水哥同華華講話佢希望品牌訊息可以傳「達」到畀唔同嘅「人」，所以起咗呢個名。
恒生過去多年品牌做得唔錯，退休前任傳訊及可持續發展總監嘅水哥應記一功。嚟緊佢話同唔同嘅業內人士合作，特別係馬拉松相關活動。近排政治環境咁差，唔知水哥有冇興趣呢？
李華華
mailto:[email protected]