現年30歲、2011年度港姐季軍許亦妮（現名許芷熒）上月在尖沙嘴洲際酒店設婚宴，與拍拖兩年多的商人男友Alex拉埋天窗，昨日是她結婚一個月紀念日，她在Ig宣佈：「我同Alex要當爸爸媽媽了！在籌備婚禮的時候突然發現有了小寶貝，我和丈夫當時也有想過要不要把婚禮延遲押後，哈哈！但是我們彼此都急不及待想快點結為夫妻，很開心小寶貝簡直是天賜的禮物！一切都來得最合時！」
明年預產期
許亦妮昨日接受《蘋果》訪問時表示好開心，她說：「𠵱家幾多個月暫時保密，但係預產期係明年，我希望生女，可以幫佢扮靚紮辮行街同教佢煮飯，我老公想係仔，因為佢好鍾意賽車，希望可以教個仔賽車，其實我陀BB都幾lucky，陀得好舒服，不過希望之後唔會肥好多。」她指原本沒有預備那麼快生小朋友，不過就一直恨有小朋友，她說：「我哋結婚之前都二人世界咗兩年幾，一切都發生得好啱時間，因為我哋都想後生啲做爸爸媽媽，仔女大個之後，可以同佢哋好似朋友一樣，我由細到大都好渴望組織家庭，好開心咁快有自己嘅小朋友。」
上網學湊仔
很多準備結婚的新娘子都要減肥，但許亦妮直言結婚當時，因為陀B所以不用節食，她說：「當我知道有咗小寶貝，乜都以BB為先，喺婚禮之前鍾意食乜就食乜。」許亦妮又指懷孕期間抵抗力比較差，曾生病好多次。她也感受到做媽媽才會明白的感受，作為一個新手媽咪，她也要向各位媽媽多多請教，所以最近開設了一個YouTube channel，希望跟網友傾談不同的話題，包括BB話題等，日前她就上載第一條影片，片中是她去產檢時照超聲波，讓她的BB隔着肚皮跟大家say hello。
採訪：小米