日前喺歐聯幫皇家馬德里追和布魯日2:2嘅入球功臣卡斯米路，承認新隊友夏薩特表現未夠好，認為呢位比利時國腳要盡快用入球嚟證明自己一億歐元嘅身價。卡斯米路接受訪問時話：「佢嘗試適應中，但我只可以講足球係一項包括入波嘅運動，我知道佢係世上最佳五大球員之一，但要時間去適應。」