噚日黃浩銘放監，佢班戰友一早去晒接佢「放學」，當然有預備賀禮畀佢，除咗新眼鏡，仲有一份禮物令阿銘開心到嘩嘩聲，就係《復仇者聯盟4》藍光碟。
老友識做唔劇透
原來阿銘判刑當日，正係《復仇者聯盟4》上影之時，阿銘冇得喺入獄前第一時間睇埋復仇者個結局，梗係可惜，當時社民連主席吳文遠係facebook出po，想香港Marvel喺上影前整場特別場畀阿銘睇先，當然梗係唔得啦，但據知阿銘嘅朋友都好細心，嚴守唔劇透原則。
到噚日阿銘出獄，有朋友帶埋《復仇者聯盟4》藍光碟送畀佢，阿銘收到後嘩嘩聲表現開心，仲話呢份禮物正，多謝晒，八方估佢噚晚必第一時間煲碟，事關出返嚟好容易見到唔生性嘅人向佢「被劇透」。