阮民安（Tommy）昨日下午現身銅鑼灣，身穿黑衣黑波褲的他說：「各大商場、港鐵唔畀面大陸，人哋今日咁大日子。佢哋有佢哋慶祝，我哋有我哋繼續表達訴求。」提到王宗堯前日被捕及何韻詩在台灣被淋紅油，問到會否擔心人身安全？Tommy說：「唔擔心得咁多，唯一擔心係屋企有小朋友同太太，所以每次出嚟都要講清楚去邊度，其實唔只藝人，每個出嚟抗爭嘅市民要小心同保護自己，保護好自己嘅人身安全再行落去。」
此外，提到內地打壓下月台灣金馬獎，不少香港電影人放棄參加，Tommy說：「好多大導演當以前係PA、編劇、小導演嘅時候，就係香港人支持佢哋，但去到呢刻因政治因素，放棄自己作品受到肯定，太懦弱喇啩！好多我哋熟悉嘅香港人出嚟賀國慶、唱國歌，姓陳嗰啲啦，姓王又有啦，香港人會清楚明白，係心痛，香港人會記得。」
採訪：黃子
攝影：沈健程