中共十．一建政日，全港多處爆發警民衝突，但之前警方預告的殺警行動未見出現，反而多處發生警員用實彈鎮壓示威，更有警員向示威者胸部開槍。有政界人士直言，即使警方如何解釋開槍合理，現場短片已在極短時間全球瘋傳，成為各國主流媒體頭條，「各國網民睇完都係鬧差人」，而警方更大「罪名」是，槍擊中學生的新聞幾乎蓋過中共十．一閱兵，「中共閱兵有幾威冇人再理，反而鬧港警開槍，令習喺國際社會冇晒面」。
該政界人士指，即使警方辯稱向中學生開槍如何合理，甚至大玩語言偽術，聲稱只是向「左邊膊頭附近位置」開槍，隱瞞貼近胸口心臟位置直射，「正所謂有片有真相，有兩條片拍低晒，個差人完全冇直接生命受威脅下開槍，講乜都冇用」，有關短片也在Twitter、Reddit瘋傳，「唔使幾個鐘已經全球傳開晒，好多外國網民鬧之餘，仲話差人同謀殺冇乜分別」。
「唔割席或被國際制裁」
但相信北京最不想見到的是，絕大部份外國主流媒體均以香港警察十．一鎮壓示威、槍擊中學生做頭條，「習近平十．一閱兵反而放次要位置，即使頭條有提，都拉埋香港鎮壓一齊講，話中共喺國慶日鎮壓香港」。該政界人士稱，習搞這場建政70周年閱兵，無非想耀武揚威，令國際社會見識中共強大，「點知畀班香港差人搞禍，不但冇得威，仲入埋中共數，喺國際社會冇晒面」，更重要是北京早已將港警「攬上身」，「如果北京唔同港警割席，萬一國際社會日後制裁香港警察，北京唔可能置身事外」。
季陶
周一、三、五刊出