【本報訊】早前建制派與特首林鄭月娥見面時，要求押後11月24日舉行的區議會選舉，而林鄭亦稱正研究有關做法，結果政府遭炮轟為保建制不惜摧毀選舉，昨日在港島「自由行」的市民也對押後區選做法十分憤怒，怒斥政府為保護建制派在議會的既得利益，不惜破壞行之有效、行之以久的選舉制度，行為可恥。他們都承諾若區選如期進行一定投票，將建制派踢走。
從事財務策劃的許先生怒斥，特區政府為保建制派既得利益，不惜破壞選舉制度，「好明顯係怕呢嚿最大嘅肥豬肉冇咗，更加證明政府同建制派係政治分贓，佢哋要負上後果」。
「議會內外都要抗爭」
他續指，若因小部份人利益而破壞制度，明顯是人治多於法治，只會惹來更大的社會反彈，激化更多不滿，「徹徹底底行政長官連同既有利益者去干擾法律」。他指今次區選若如期舉行，他一定會參與投票，並會將手中一票投予支持運動、維護法治的候選人。
一身黑衣、相對年輕的鄺先生認為，政府想押後選舉全因害怕民意，「佢用盡權力、用盡方法去阻止我哋表達聲音，因為我哋一表達聲音，佢根本唔知點回應」。認為即使政府以所有手段拖延，民意都無可能逆轉，「佢以為可以影響個選舉，或者半年後影響另一個選舉，都唔會改變到我哋，爭取訴求，同埋踢走建制嘅方向」。鄺先生也不同意區選攬炒論，「我覺得有得投票都要繼續投票，議會內外都要抗爭，唔可以放過任何空間表達訴求，行使權力」。
從事貨運業的謝先生轟政府粗暴延遲或取消區選行為可恥，阻市民以選票表達意見，「變相令到更多人不滿，可能有更多唔支持佢（政府）嘅人企出嚟」。他指自己一直是選民，過去挑選區議員會以民生為主，但過去十年香港情況每下愈況，「近依十年八年香港政治越來越黑暗，好多蛇齋餅糭，又會推老人院（老人）去投票，令選舉好唔公平，所以我會支持返民主派力量」。
■記者陳嘉裕