今日板仔的市井街頭味俱往矣，當局以改善社區為名換地、加高鐵欄、舉見盡是「不准」標貼，看不見的手越伸越廣，板仔活動空間越見壓縮，「有次我排隊想踩樓梯，見隔籬有凳就瞓吓，保安即刻衝埋嚟話唔畀瞓，我心諗『呢張凳起嚟就係畀人坐？』瞓吓都唔得，咁踩板俾人趕更加理所當然。」場地既去，板仔惟有轉往康文署管理的滑板場和室內板場，朝7晚11練習，縱設施優良，但對比成長時在街頭奔放的叛逆日子，陸俊彥不免遺憾，「好似俾四幅牆圍住，冇咗以前好自由、好開放踩板嘅感覺。」街頭練板一來自由，二來也是向公眾推廣滑板的良機，但在圍欄中的板場練習卻似自我封閉，「我喺粉嶺（安樂門街遊樂場）飛到二樓都冇人睇到，咁我點promote呢？」誠然，在官方轄下板場中，鄰舍避過噪音滋擾，板仔也免卻被驅趕的煩惱，陸俊彥淡然說道，「板場始終穩陣，唔同嘅開心。」
滑板界歸入體制，陸俊彥成年後他時常獲選代表香港出外參賽，國際奧委會16年公佈滑板將成東京奧運新項目，17年陸俊彥更成首位獲體院資助的「精英滑板運動員」，他陌路人般進軍體院兩載，今年又因成績不達標被除名，回首當日踏入體院一刻，他嘆道：「以前好似好恨有資源幫，但我又慶幸滑板冇畀傳統體制枷鎖困住，如果滑板一早喺呢度，我嘅任務就係要贏，冇得好自由、好普通咁因為熱愛滑板而去踩。」矛盾不限於成績與自由，象徵集體的制服也使陸俊彥自覺格格不入，「去傳統大型運動會我又冇乜感覺，純綷想體驗，踩板梗係要型仔着自己衫，要着港隊衫比賽我都唔慣，仲要諗吓點襯番條褲。」
亞室運失利耿耿於懷
談起過去遭人白眼的不平事，陸俊彥在鏡頭外說得繪形繪聲，動輒笑說「激到我爭啲就『跳』（大發雷霆）」！讀中學時他已開始到其他學校教板，為方便故，他習慣攜板回校再暫存於老師處，本來相處融洽，然而有天老師突改慣例拒絕存放，陸俊彥一怒之下頭也不回就此歸家，曠課結果換來小過，「我媽都撐我，好少可呀，咁又真係做乜要刁難我箒？」不過人大了，也就明白人生就是妥協的藝術，在體制中他埋頭苦練，甘願服膺於以成績論資源的遊戲規則，「有獎真係幫香港（滑板界）fight到資源，唔好話錢，多個場我都開心到不得了。你問我係咪好鍾意，唔係，但我唔介意，跟住遊戲規則我冇辦法，政府就係睇獎。」07年他到澳門參加亞室運，兩年前他在同一比賽得「梗頸四」，再次出戰卻大失水準，完全未能使出花式，包尾而回，賽後眾目睽睽下他失控嚎哭，他耿耿於懷的其實不單是失禮人前的醜態、年少無知緊張賽果的心，「我成日諗如果十幾年前贏到牌，香港會唔會早啲有滑板場呢？」