周秀娜、柏天男、王曼喜、RubberBand的主音6號（繆浩昌）和太太Tim Lui昨日在尖沙嘴出席時尚平台DELUXE成立兩周年活動，娜姐以時尚女性身份分享娛圈十年工作經驗。她近日和余德丞傳出緋聞，娜姐否認說：「我哋係朋友關係，進一步發展都係鄰居關係。」被指主動媾掂余德丞，娜姐笑笑口：「唔知點解，好搞笑，個古仔寫得幾好，第日我想搵題材拍嘢時可以參考吓，不過我遇到自己鍾意嘅人會主動出擊，但呢件事只當古仔睇，佢係一個好男仔，好好鄰居。」近年感情食白果，娜姐表示會努力覓得真命天子，又笑說：「我身邊所有人都好緊張我感情事，係咪我dry得滯呢。」
而王曼喜以中性西裝打扮現身，分享出櫃經歷，為小眾發聲說出自己心態，未來希望可以為香港平權效力。
採訪：卓寶花
攝影：仇志德