方皓玟（小明）和陳柏宇（Jason）將於11月合作舉行音樂會，面對香港現時的艱難時期，二人希望大家能夠透過今次音樂會放鬆一下、互相支持，更笑言考慮加插兒歌環節，吸引自己的子女捧場。
方皓玟和陳柏宇日前在九龍塘接受訪問，談及今次音樂會以「The Quote」為題，小明坦言他們的歌曲有很多人生哲理和命題，猶如在圖書館聽音樂一樣，她說：「金句唔一定要好驚天動地，只需要講得中你就得，我聽過Jason嘅歌《沒有你，我甚麼都不是》，有一句係『做我的我便吸引』，發現呢句同我自己價值觀好似，男女都一樣做自己就最好，就係呢啲細微位希望大家有共鳴。」Jason則自嘲：「係人都知我長氣多嘢講，好少用金句，精簡真係唔係我強項。」
金句分享睇法
現時香港的社會氣氛不好，問會否為入場觀眾打氣及傳遞訊息﹖Jason說：「因為我哋今次係講金句，會係偏向一啲做人睇法同生活上嘅嘢，我諗就算我哋唔係向住呢個方向做，觀眾都好容易對號入座，但我本身係冇呢個打算。」
小明表示希望可用音樂跟大家溝通，互相取暖，給大家放鬆一下。她指自己的作品《你是你本身的傳奇》內一句歌詞可以勉勵大家，她說：「『即使不完美只需經歷你自己』，可能生活同社會上有好多嘢未必係我哋滿意，或者令我哋失望，的確係唔完美，但大家都一齊經歷緊呢個環境，所以你並不孤單。」
預告家人捧場
兩人透露家人屆時會到場睇騷，小明笑說：「我好懷疑佢（囝囝Luca）認唔認得台上嗰個係我。」Jason則謂：「我個女（Abigail）未必睇得晒成個騷，因為8點幾佢開始眼瞓，或者要考慮加插兒歌環節，平時喺電視機度播兒歌佢好專心睇，一調轉播我嘅MV，佢就走咗去。」小明十分認同：「我個仔都係咁，兒歌嘅吸引力大過晒我哋。」
撰文：曹家誠
攝影：陳慧安