郭羨妮昨日在荃灣出席兒童時裝騷活動，她早前為遷就愛女返學，放售將軍澳舊居賺三百多萬元，轉買九龍市區樓。談到為囡囡搬屋，郭羨妮坦言：「𠵱家開心好多，之前阿女返學每日來回三個鐘，五點幾就要起身準備返學。我成日同阿女講，媽咪用咁多錢都係為咗你，唔係個女我都唔會搬，𠵱家阿女可以瞓到七點幾先返學。」郭羨妮為搬屋花費不菲，對於被指進賬三百多萬元，她不否認：「本來唔使太努力做嘢，𠵱家要變得好努力工作。」
郭羨妮早前在內地拍攝《尋秦記》電影版，整個暑假中港兩地穿梭開工及顧及家庭，其間正值女兒考試，竟然要遙距默書，母女最長相隔個半月沒有相見，令女兒掛念她掛到喊。
採訪：卓寶花
攝影：林賓尼