陳健安昨日在太古城舉行唱片《本原》攝影展，唱片推出約兩星期，銷量理想，已成為唱片銷量榜冠軍，歌迷不時了解銷情作出報告，他說：「歌迷成日喺群組講銷情，佢哋仲會分埋19區報告。」但暫時未知會否加印，自己準備40張唱片分別送給家人和製作團隊：「家人問咗我好窩心嘅問題，問我出面買係咪計銷量，內部攞唔計？之後阿媽、阿哥同家姐出去買，阿媽仲喺舖頭掃晒我啲貨。」
稍後陳健安會舉行唱片簽名會，商場派出100個名額，有傳網上出現炒籌，每個名額100元，他表示不知道亦不支持：「我阻止唔到，等我出第二張專輯時同公司增加名額。」他亦希望有自己音樂會，更想粉絲們集氣。
採訪、攝影：王連連