女歌手羅凱鈴（Judas）將於麥花臣舉行音樂會，昨日在鑽石山舉行記者會，現時開一場她也感開心：「之前喺海洋公園開音樂會，就有目標想喺麥花臣做，想開兩場，但今次能夠喺呢個場地做到已經開心，盡能力做，唔敢一下子就想喺紅館開，自己唔敢諗，因為紅館係香港最大舞台。」
預算今次會邀請兩位表演嘉賓，為神秘感現在不願透露更多，Judas只表示曾經合作，亦會有一些表演作挑戰：「保證前所未有，我未做過嘅，想自己有一個突破。」到時家人和女友也會捧場，女友不會幫忙打點，相信不會驚喜獻花，只會安坐欣賞：「呢啲留畀歌迷做，唔使搞咁多。」她正為音樂會積極瘦身練氣做運動，暫時瘦了10數磅。
採訪、攝影：王連連