無綫娛樂新聞台主播林子博的太太Shirley，數月前發現患癌且進入第四期，不過林子博此時竟被無綫請食「無情雞」，知情人士爆料：「監製本來幾個月前同子博講，約滿會繼續用佢。」
《蘋果》致電林子博，他說：「係，我下個月1號約滿，公司決定唔同我簽約，我冇問公司發生乜嘢事，我第一時間只係諗我可以去邊度？如果你阿頭認頭話要你，但公司唔簽，我相信問嚟都冇用。」問可有告訴太太時，他說：「個仔叫我唔好講畀媽咪知，擔心會影響病情，叫我扮返工，但我話我日日要陪媽咪打針去醫院，根本呃唔到。」他指太太知道消息後痛哭，有指ViuTV已向他招手，但林子博想嘗試做其他節目。有傳他曾於社交網發表黃絲言論而不獲無綫續約，他說：「我好少講呢啲，都係講吓仔女同民生嘢，例如起條橋咁貴之嘛。」
採訪：小米、魯吉