「真係好想去（奧運），如果我哋去到，會係一個好大嘅突破。」香港男子花劍隊雖有崔浩然退役，但年僅21歲的蔡俊彥（Ryan）卻在近年冒起，跟張家朗等隊友合力爭奪奧運入場券。
香港劍擊隊在9月底完成為期2星期的日本集訓，Ryan表示練習對手的動作較為細緻，自己在這方面大有進步空間：「人哋嘅技巧，淨係做手上面嘅動作，係比我哋優勝，佢哋做一個防守還擊，動作個幅度係比我哋細緻好多。」
除了技術方面有所得着，剛於挑戰盃劍擊賽贏得冠軍的他同時明白適當休息的重要性：「喺日本平均每日瞓六個鐘，但返到香港呢2晚都瞓11個鐘，瞓得太多搞到個人好『霉』。recovery好重要，之後要調整下休息時間。」
東京奧運明年上演，Ryan目前在男子花劍個人世界排名第16，其隊友張家朗則排第七，雖大有機會憑排名入圍奧運，但他仍希望跟隊友齊上齊落，取得團體資格，「如果我哋團隊出到線，我哋三個都會有得去。我哋團隊有大約20分優勢，但如果我哋稍為鬆懈，有1、2站撻Q，咁就可能會俾其他隊追過。」Ryan在比賽當日穿上印着「Road to Tokyo」的Tee，他更興奮表示：「我仲有一件黑色。」
記者：許嘉明
