葉蘊儀昨日到尖沙嘴出席美容活動，勁減38磅後狀態大勇，她表示目前是98磅體重，回復當年少女身形：「今次減肥主要係因為身體響起警號，之前患上身體機能失調，搞到成個人好浮腫又經期唔準，睇過中、西醫都冇改善。」她直言減肥過程很有挑戰性，亦曾遇上樽頸位感到沮喪。
談到推出相集中有大膽性感相片，葉蘊儀笑說：「我冇諗呢樣嘢，之前一直只顧照顧家人同埋屋企，𠵱家細女都讀大學喇，係時候改變。」她指寫真是以藝術家身份帶出「女性身體自主」的訊息：「冇諗過大唔大膽，我覺得自己嘅身體係自己話事。」葉蘊儀透露一對子女大讚相片，回復苗條後有不少追求者出現，但暫未有合適對象。問到會否再推出更激作品？她坦言：「我嘅底線好open，睇吓係咪藝術角度，今次係想帶出一個訊息畀香港女性，為自己重新出發。」
採訪：羅慧敏
攝影：林賓尼