前曼聯領隊摩連奴除咗客席講波外，近日仲幫博彩公司拍咗個廣告，喺廣告度除咗放低尊嚴自嘲，亦暗寸中超財大氣粗。喺呢個新廣告度，有幕係摩佬喺後花園度將啲草剪成舉起三隻手指嘅姿勢，正正就係佢其中一個經典手勢。廣告入面摩佬又收到個電話，有把女聲用普通話同佢傾條件，佢拒絕後做咗個頂唔順對方嘅表情（小圖），似乎寸緊中超球會成日以為用錢買到人心。