現年33歲吳雨霏（Kary）今年4月宣佈再為「網球王子」洪立熙（Brian）陀B後，甚少公開露面，昨日她宣佈已誕下B女，母女平安。她在Ig貼出「妹妹G」照片，表示歡迎囡囡Galilee出世，現已返家，開始一家四口的生活，好好坐月。
同哥哥餅印
Kary笑言生產過程比上一次快，但覺得比上一次更痛：「看到妹妹肥dood dood（嘟嘟）、健康壯健，都忘了甚麼是痛，感謝主，因為太想念Asher的關係，住了兩天醫院就回家了，再一次謝謝我的醫生和醫院護士們的悉心照顧，抱歉不能一一回覆所有短訊，非常謝謝大家的祝福，我又回去做乳牛的生活了。」
Kary回覆《蘋果》說：「我同Brian都好開心，Asher開始知道屋企有個妹妹，對妹妹好溫柔。妹妹同哥哥剛出世時嘅樣係餅印。我今次喺醫院休息咗兩日就返屋企，因為我真係好掛住囝囝，佢出世到𠵱家我都冇離開過佢多過一日。同埋我都康復得好好，一切都好順利，多謝大家祝福！」
圈中人祝賀
對於Kary湊到一個「好」字，圈中好友都送上祝賀，包括謝安琪、周汶錡、莊思敏、梁靖琪及黎美言等，而蔡卓妍（阿Sa）就以「again」及兩個心心形符號，寓意Kary再添喜。自大仔出生後，Kary大部份的時間照顧兒子，不時上載湊仔照片，直至今年4月在Ig上載由Asher代為報喜相，當中見囝囝面前有塊黑板、毛公仔及胎兒超聲波照。Kary留言稱很難保守秘密，並謂：「我們非常幸運地宣佈Baby#2即將來臨！讚美上帝──所有事物的製造者！」但當時未公佈陀女。
採訪：小米