男子組合BOYZ的張致恒（Steven）今年七月在社交網開心宣佈結婚，卻隨即被揭原來一腳踏五船，多位女受害人紛紛湧現，令他成為新一代賤男代表，身邊好友排着隊跟他割席。不過，Steven的新婚妻區燕雯（雯雯）連月來努力為老公「漂白」，不時在社交網貼父子相，為Steven塑造好爸爸形象。
稱對小朋友不利
前晚雯雯再於Ig貼長文，上載本月2日註冊結婚的照片，解釋當日為何毫無笑容，自爆因為當時收到不少陌生人侮辱她的訊息，更有人恐嚇她，雯雯在長文寫：「由細到大都冇諗過自己結婚會係點樣，甚至會唔會結婚，完全冇想像過會喺咁多事情發生嘅情況下就嚟到呢一日……當然內心深處係好開心同興奮，但實際上我係好驚好緊張好擔心。」
雯雯續透露：「結婚前一個月我收到好多受害人加埋陌生人嘅一啲鬧我侮辱我、恐嚇我甚至話要對我小朋友不利嘅訊息，所以結婚當日我完全控制唔到自己驚同擔心嘅表情+心情。」她指因此結婚當日經常周圍望，變得疑神疑鬼而且木無表情。
學習三個人生活
雯雯又重申自己未有在不願意或勉強的情況下結婚，她在Ig寫道：「結婚係一樣一生一世嘅一件事，我既然選擇得同呢個人結婚，無論發生咩事我都一定要陪佢行落去。」最後，雯雯向無論祝福她或者不祝福她的人表示，她現在已經不是一個人，她會努力學習三個人的生活，文章末端則寫上「2020.9.2見」，該日子Steven曾透露會補擺婚宴。
採訪：小米