【本報訊】「我係有咁嘅膽量，希望通過自己嘅情況，還返香港人8.31一個知情權」。中學生李同學便是警方8.31當晚衝入太子站車廂打人，其中一名被扑至頭破血流的市民，他憶述當時無故被速龍小隊用警棍打了三棍，形容他們猶如一班猛獸看見獵物，施襲後等待獵物受傷滴血，靜待對方如何死去，最終他在油麻地站被轉送廣華醫院求醫，縫了14針，留醫九天。他坦言8.31是人生轉捩點，希望透過民事索償，向港鐵索取閉路電視片段，為的是一個8.31真相。他坦言原本仇警，但事件反而令他要化悲憤為力量，要用行動制裁濫暴警方。
記者：蘇曉欣
李同學尚未成年，今次透過父親代為入稟向警方追討賠償。他向《蘋果》憶述8.31當晚，他正於回家路上，在往調景嶺方向的港鐵車廂內遇上「藍絲大叔」鬧事。列車到了太子站，有部份示威者下了車與藍絲大叔對罵，他當時離開車廂嘗試「勸交」，但情況不斷升溫，直到有人大叫「警察已經落緊嚟喇」。
看手機或慢跑會頭痛到想嘔
「聽到大家講嘅『恐怖鐘聲』，話太子站要關閉」，李同學清楚記得月台上各人的驚慌表情，「因為近呢幾個月嚟警察乜作為，大家都好清楚」。有人隨即呼籲登上往中環列車，「我都以為自己已經冇事」，於是他上了車後背着月台整理背包，跟着突然被襲。
「我嗰刻都唔知發生乜事，直至我俾人打咗一棍，我『舂』咗一下，我嗰陣仲未想像到係警察」。他仍未回神，隔了數秒即再遭警棍打了一下，整個人失了平衡撞到車門，直到第三棍，他回頭望才發現是速龍小隊。當時他已整個人跪在地上，摸向後腦，整個手心染紅。
李同學記得當時與速龍小隊對望了一眼，料不到對方離開車廂沒拘捕他，「佢哋就好似一班猛獸見到獵物，你打完佢，等佢受傷流緊血、滴緊血，然後你行出去望吓個獵物點樣死」。有急救員立即上車為他施救，列車最後開往油麻地，他再轉送至廣華醫院。有防暴警員竟登上白車，並要求車上三名傷者交出身份證登記及搜身；明明油麻地站往廣華醫院只需5分鐘車程，但因警察要搜身，三名傷者最終花了20分鐘才可到醫院接受治療，最終他在醫院被警方以非法集結罪名拘捕。
回想起遇襲一刻，李同學除了頭上的痛，仍清楚記得列車上各人臉上的徬徨，「個感覺就好似你係想逃難，面前就好似你再唔向前跑就會死咁，就瘋狂向前湧」。他以前看新聞，都沒看過警察會衝上列車打人，「呢樣嘢對我嚟講完全係不可想像，但呢件事喺2019年8月31號發生咗」。
中了三棍，除了頭皮至今仍留有明顯疤痕，他不時看手機或慢跑時會頭痛到想嘔，相信是頭部受傷的後遺症，但廣華醫院排期至四個月後才覆診。他當晚被警方打至失平衝撞向車門，左手、左腳及左膊頭均有大範圍瘀傷，大腿位置瘀血有整個手掌般大，經常麻痹至不能專心溫習，直到散瘀後情況才好轉，「你就可以想像警察用幾大嘅力打我，而我當時係一個手無寸鐵、背向佢哋嘅乘客」。
「不如將唔開心化做行動」
李同學一直對警察感厭惡，8.31被打後感心碎及無奈，沒有警員需為濫暴和亂棍打人負責，更有同袍視亂打人的速龍小隊為英雄。不過，8.31並無把他嚇退，他笑言「嗰棍令我清醒咗，變咗唔同嘅人」，令他將仇警情緒化為正能量，「不如將唔開心化做行動」，要令警察受制裁。
李同學強調今次索償非為錢，是要重組8.31真相，「𠵱家社會上有好多假消息、好多假新聞。到底太子站發生乜事？有冇死人？令到真相浮現，就係靠法庭」。他自言不知是幸運還是不幸，雖成為受害者，但令他可以有身份站出來，「呢個社會更加需要就係一班願意行出嚟指證、願意尋找真相嘅人」。
但李同學不諱言有點怕「藍絲」，擔心被起底騷擾，但他更怕公義無法得到彰顯，「更怕香港現實之中冇出路」。他不怕受訪後被警方秋後算賬，「我唔怕刑責，當然佢拉我係亂拉，我仲有未來，仲有幾十年，但香港仲承唔承受到落去？有啲嘢係要付出」。