【馮仁昭四圍超】少爺占買外賣畀老婆

商台DJ少爺占（甄子康）係隱形富豪，今年初佢就以3,380萬買入西貢傲瀧一個近2,000呎單位。搬咗去西貢嘅佢，日前夜晚9點一支公走咗去將軍澳一間平民壽司店買外賣，當時佢着住白色短袖恤衫，睇嚟好似一個外賣仔。

因為有啲種類壽司賣晒，少爺占好體貼咁打畀老婆問意見，表情鬼馬，估唔到佢同老婆由幼稚園識到𠵱家，依然咁恩愛。