【本報訊】元朗YOHO TOWN所屬的元龍選區區議員、經民聯王威信在7.21白衣人無差別襲擊市民當晚，曾現身事發現場，被懷疑與事件有關，激發因佔中案罪成被判社會服務令的張秀賢考慮在元龍區披甲，他質疑指：「佢﹙王﹚做嘅嘢係唔係包庇緊白衫、包庇緊暴徒呢？呢啲議員根本要踢落馬，因為佢﹙王﹚無辦法令居民有信心，覺得佢係可以保護到個區嘅安全。」
無懼受襲 「風險越大越要出嚟」
張秀賢接受訪問時指，7.21事件令他有參選念頭：「正常人都好難忍受呢啲嘢發生，開始去諗不如選啦。」他批評王威信早知當日有事發生但未有通知居民，即使之後在港鐵站出現亦未能阻止事件，其後在區議會亦未有支持成立獨立調查委員會、或檢討小組調查7.21事件，認為對方未能保護居民，「居民、街坊到𠵱家都仲係驚，驚啲白衫、鄉黑隨時過嚟，令到生活無法安寧，（當）元朗無辦法成為安全地方嘅時候，就需要一啲改變」。
過去10年活躍於公民社會，曾任學民思潮發言人、中大學生會會長，傘運中又擔當主要角色，今年25歲的張秀賢坦言佔中案判刑後有退下火線到外國進修的打算，反送中運動令他決定留港繼續抗爭。
元朗區向來被視為黑勢力「地頭」，張秀賢落區約一個月已經因為阻止有人在連儂牆撕紙而受襲，被人以行山杖作勢恐嚇，亦因為安全問題而在組織義工隊時有阻滯，他稱知道會有風險，但「越大風險就越需要出嚟」，否則沒有人會為街坊發聲。
■記者陳嘉裕