樂基兒（Gaile）、連詩雅（Shiga）與伍靜麗等，昨日於中環出席個人護理品牌開幕活動，Gaile自今年4月誕下囝囝Hunter後首次公開露面，迎接新生命來臨，Gaile難掩心中喜悅，一副幸福滿瀉模樣，她笑言目前將囝囝放首位，開心踏入人生另一階段，有重生的感覺。她指囝囝似足自己小時候，猶如mini Gaile，問會否追多個女？她說：「暫時冇打算，享受吓同囝囝嘅時間先。」她透露帶埋囝囝返美國探家人時說：「前幾日先喺美國返，因為媽咪想照顧個孫，返咗去幾星期，同我慶祝生日，又幫BB搞咗welcome party。」
兒子名朱樂其
Gaile透露BB剛滿5個月，中文名亦已改好，她說：「叫朱樂其，意思係樂在其中，係爺爺改嘅，英文名Hunter Ethan Chu，意思係活潑同會照顧屋企。」前日Hunter打針後發燒，令Gaile又驚又緊張，不停觀察並為Hunter量體溫，又不斷用凍水敷額頭替BB降溫，原來Gaile也屬緊張媽媽，無時無刻都想着兒子的事，每個階段也有擔心的事情，她說：「好彩𠵱家互聯網可以搵到資料，之前我媽咪唔知點可以做到。其實𠵱家好開心，雖然好攰，但坐月時媽咪都有嚟陪我，又有陪月，覺得太多人，𠵱家有helper，有夜間保母，老公都會幫手，逢假日都會係family day，我哋會帶佢去商場行街。」問囝囝有「斟茶」給爸爸？Gaile笑說：「試咗好多次，𠵱家好醒，識得遮住先。」
Shiga節食演卧底
另外，Shiga指後日開拍新劇《使徒行者3》，她飾演女警卧底，並指劇中要色誘袁偉豪，要穿大量貼身衫褲、只包着臀部的迷你裙，為了令上鏡更瘦，她連續數天節食，沒吃澱粉質，更特別為長腿護理：「對我嚟講性感離唔開雙腳，冇乜其他嘢色誘到人，要好好護理。」
採訪、攝影：羅慧敏
