【血脈相連】
「呢幾個月好似好close，但又好似好疏離。」鏡頭前的方媽媽如此形容和兒子方仲賢的關係。被稱呼為「老母」、「飼養員」、「阿媽」，她都笑着回應。為拉近兩人距離，她學用連登、Telegram，想開戶留言，卻遭兒子托手踭，「老喇，唔好玩呢啲」。遊行看見浸大旗幟，她沒有上前搵仔，只悄悄問人見到方仲賢沒有。
一直覺得兒子「乜都唔理」，至反送中運動積極參與，方媽媽不禁說：「一晚之間，我對佢有少少陌生。」見兒子被捕，挺身接受傳媒訪問，母子同聲譴責警暴。義無反顧對兒子事事支持，她已有預感方仲賢會再被捕。為母者，只能叮嚀兒子萬事小心，不要受傷。
記者︰張雅婷
問及媽媽的職業，方仲賢簡潔回應三個字：「唔知喎。」方媽媽忙打圓場，解釋近一個月只見兒子一至兩日，又不忙補上一句：「佢乜都唔理㗎，唔理屋企。」
從事金融、物業投資的方媽媽談吐得體、主動，雖是單親家庭，但唯一血脈相連的兒子性格跟她截然不同。「由細到大都好內向、好文靜、比較內斂唔出聲，整個情緒都好平，一條線咁。」整個訪問，不到方仲賢作答，他絕不插嘴。
6.12警暴 媽媽藍變黃
方媽媽形容自己已到「收成期」，曾幾何時，她是支持警察的淺藍人士，亦是兒子口中的港豬。人生第一次上街，是30年前的「八九六四」，聲援北京學生。第二次，是今年6月12日的反送中集會，由於看到警察濫暴，警民權力不對等，方媽媽選擇發聲：「作為一個普通市民，下個分分鐘係我，所以要行出嚟。」
6月12日約下午4時，警方在立法會旁的添美道施放第一枚催淚彈，和理非的方媽媽未有離開，反而「邊度有事，就走去邊」，只怕有哮喘病的兒子出事。豈料，方仲賢早已離場，反問母親留在現場做甚麼。
隨後的遊行，方媽媽都盡量出席，遠遠看見浸大學生會的旗幟，再悄悄上前問：「見唔見方仲賢呀？」然後各行各路。
方媽媽笑指，方仲賢讀書成績差，「乜都唔理」，但自從出任學生會會長後，變得積極，「做咗好多嘢幫同學，解釋畀同學知整個逃犯（條例修訂）過程因由」，她突然覺得兒子有點陌生。
為更貼地了解兒子，又怕煩到他，方媽媽自己學用連登、TG，想拜託兒子申請連登賬戶，竟換來一顆大檸檬。「佢話我老，唔好玩呢啲！」
「有冇反駁？」記者問。
「冇，真係吖嘛。」
方媽媽形容兩人的相處模式是朋友，但當兒子出事時，她又變回媽媽。8月6日，方仲賢購買觀星筆被捕，遭警員叉頸制服，導致哮喘病發。方媽媽晚上從外地返港即趕往醫院探望，心如刀割。
自此，每逢新聞有現場直播，她總會用幾部手機同時觀看不同頻道，生怕兒子出事。9月2日，方媽媽在一個幾秒鐘的鏡頭看到方仲賢身影，被警方拘捕。雖然只有背面，但她肯定那人是方仲賢。她隨即更衣，到太子搵仔。
連續兩次遭無理拘捕，兩人都說，有心理準備有第三次。方媽媽甚至預計過，兒子會被送往新屋嶺。「我會癲咗，我諗我會變成勇武。」她有點激動地說，但不會因此害怕：「佢越想我哋驚，我哋越唔會驚。我哋冇做過牴觸法例嘅事。」方仲賢同樣無懼：「我唔驚俾人拉，都唔驚俾人告，因為我知道律師會幫到我。喺法庭上我得到嘅裁決會比喺現場同警察爭論更公平公正。」
由「藍絲」變「黃絲」，方媽媽的支持還有買物資、捐款和義載，整個轉變，方仲賢沒有花片言隻語游說。他解釋：「如果你想改變一個人，言語未必係最有效方法，佢自己親身感受，用雙眼見證，會更容易說服。」
身體力行 兒子讚超班
改變同時，許多在內地有生意的朋友與方媽媽割席，「佢話我個仔用觀星筆遺害社會、傷害警察，令警察唔可以執法」。甚至有親戚抱怨交稅「養曱甴」，方媽媽反駁：「我都交咗好多錢稅，我支持呢啲年輕人，係因為佢哋做咗好多我哋唔敢做嘅嘢，到時爭取到嘅成果，係我哋有份享受。」
回顧初心，方媽媽與天下的母親沒有太大分別，只想方仲賢做個「好人」，現在的期望多了一項：「帶領同學、帶領年輕人，激勵年輕人有正面價值觀。」方仲賢表示同意，一直用自己的表現證明何為「好人」，同時亦承諾不走到最前，不受傷，尊重母親賦予他的生命。
對於母親的表現，首次聽到方仲賢稱讚：「可以話超班，因為唔係個個都身體力行。」但他有一個要求：「千祈唔好俾人拉，（否則）冇人保釋我。」