香港先生鄭健樂入行14年，說實話至今未有代表作，演過的角色通常是要爆seed，大聲嚷着「我好嬲呀」。其有份參演的劇集《烈火雄心3》近日深宵重播，Rocky抱怨：「公司安排我做嚟做去都係健身教練或大隻佬角色，以前唔覺，後來就千篇一律，講句俗啲，自己唔厭觀眾都睇厭，觀眾對我係冇期望，我其實都想試吓其他角色，試吓其他發揮，等觀眾知我係可以。」他期望自己有所突破：「我恨演同自己身形相反嘅角色，例如做CEO、經理嗰啲專業人士，𠵱家好多CEO都玩gym，我覺得我身形去演都make sense。」
Rocky對演藝仍有憧憬，期待機會的來臨：「𠵱家模式轉咗，我會放多啲時間做私人教練，但仍希望會等到一個啱自己嘅角色、有得發揮嘅機會，可能呢世都等唔到，可能聽日就嚟，冇人知，自己做好呢刻先。」有指他在劇集都是似嬲非嬲的表情，他解釋：「我每次都跟劇本去演，每個人都有情緒，冇人唔識嬲，我都有脾氣。」EQ很高的他平日甚少發脾氣，但有一次為囝囝而「跳掣」：「曾經有一件事，我睇到家中工人打我細仔，我嗰刻真係好嬲，咁我又冇理由出手打佢，只有炒佢魷魚，真係好嬲囉！」