蔣嘉瑩20年前憑亞視劇集《我和殭屍有個約會II》主題曲《假如真的再有約會》成名，可惜後繼無力，只能當「一碟歌手」，後來成為人妻，生了兒子後退出娛圈轉行，由女歌手變身商界女強人，直至最近全面復出，夥拍新人女歌手施匡翹合唱新版歌曲《假如真的再有約會》，兼積極籌備首個演唱會。
氣弱游絲狂咳
原本蔣嘉瑩昨晚和施匡翹於尖沙嘴舉行音樂會，蔣嘉瑩不幸因為肺炎入院接受治療，與演出無緣，實在欠運。躺在病床上的蔣嘉瑩氣弱游絲兼咳嗽不止，但仍堅持要向大家道歉：「對唔住呀！咁多位，辛苦晒大家，我會盡快出院，你哋加油呀！」
本身有正職的蔣嘉瑩因同時兼顧家庭及音樂工作，終積勞成疾，病倒感染肺炎入院。昨日凌晨，蔣嘉瑩感到不適由家人送入醫院，睇完急症，醫生證實她患上肺炎，需要馬上留院接受治療。
蘇急練歌緊張
原定昨晚蔣嘉瑩與施匡翹一起舉行的音樂會，臻世娛樂宣佈臨時改由公司旗下另一位女歌手蘇慧恩頂替，音樂會如期舉行。臻世娛樂發言人劉麗萍表示：「已通知主辦單位同場地，多謝大家體諒，祝福蔣嘉瑩早日康復，好好專心休息，我哋好多謝蘇慧恩捱義氣頂上。」
臨時頂替的蘇慧恩昨日接受《蘋果》電話訪問，她說：「我噚晚好突然接到知道蔣嘉瑩肺炎入咗醫院嘅消息，我哋全公司都好擔心佢，希望蔣嘉瑩快啲好番，之後公司通知我要頂上演唱，我𠵱家都仲練緊歌，噚晚都練到凌晨3點，因為冇乜嘢時間預備都幾緊張，好彩男友係鍵盤手，所以佢彈住琴畀我練都好啲，之前又未唱過重新編過曲嘅《假如真的再有約會》，都有啲緊張。」
採訪：陳杰