趣趣地:古仔射入拜仁第一球

趣趣地:古仔射入拜仁第一球

上星期六德甲,拜仁慕尼黑主場迎戰科隆,今場係菲臘比古天奴加盟拜仁以嚟,聯賽第二次正選上陣。拜仁開波三分鐘就由羅拔利雲度夫斯火速開紀錄,換邊後兩分鐘,羅拔仔仲成功梅開二度。到58分鐘,古天奴喺禁區內被對方後衞艾希斯布從後推跌,球證直指12碼兼直紅驅逐艾希斯布離場,古天奴親自操刀12碼,射入加盟首球。到尾段,古天奴仲助攻畀比列錫埋齋,幫拜仁4:0大勝科隆。