特首林鄭月娥本周搞第一場社區對話將於伊利沙伯體育館舉行，但有逾2,000座位的伊館，政府只安排150個名額供市民抽籤出席，有民主派中人揶揄人數少得如「擺十零圍酒，結婚唔止呢個數，求其一個政黨黨慶都多過呢個人數」。有政圈中人對季陶說，林鄭根本不在意是否收集民意，又或港人是否認同，「佢旨在塞住國際社會把口，為北京減壓」。
玩弄程序 林鄭慣常手段
該政圈中人之前做過公務員，早年也曾在林鄭手下辦事，他對季陶說，林鄭一向善於玩弄程序，「佢慣咗公務員做嘢方式，即使政府唔理民意做決定，只要做足程序，咁就乜都唔使理，可以大大聲話政府已按程序辦事，但決定不變」，這種手法林鄭在拆皇后碼頭、喜帖街時已用過，不過在今次送中惡法中就失效，更觸發逾百日社會抗爭，「證明林鄭最多只係一個做到嘢嘅高級公務員，唔係做領袖嘅人才」。
他說林鄭搞社區對話，與其說收集民意，不如說早前國際社會，包括G7、德國、歐盟等聲明，均要求北京、港府和港人對話解決危機，但現實是真正對話北京、港府不會做，「因為真對話北京、港府就要向民意妥協，四大訴求一定要讓步，但北京、港府係一步都唔會讓」，於是林鄭又以她善於玩程序手段，「先整個對話辦事處，搞幾場得一、二百人對話，再話一年半載後整個報告，咁國際社會即使再向北京施壓，北京可以話港府有同港人對話，至於係咪真對話？北京同林鄭話之你，總之程序做咗，塞住國際社會把口就算」。
季陶
周一、三、五刊出