羅家英昨日以大使身份到鑽石山出席護肝活動，他竟忘了自己正日生日：「我完全唔記得，因為我哋慶祝舊曆，早幾日同阿姐食咗飯啦，舊曆正日嗰日我哋個粵曲開鑼呀。」他的生日願望是身體健康及香港平安：「我越來越後生靚仔。」
家英哥指早前拍廣告，重演他的經典角色「聞西」：「耐唔時我都做吓聞西，有時又做唐僧，兩個我都鍾意。𠵱家再拍番就難啲，咁瘦，冇以前咁靚仔，個人冇晒中氣，血氣差咗。」早前他透露完成前列腺手術後有尿滲問題，需要用成人紙尿片，家英哥說：「最近好轉咗呀，初初都試過尷尬情況，做緊司儀突然好急，好彩轉身返後台條褲先濕晒。」他樂觀適應康復期，又自爆用保鮮袋自製環保尿袋。
採訪、攝影：盧妹