王敏奕前日在新蒲崗宣傳ViuTV新劇《假設性無罪》，剛榮升曾太的王敏奕婚後首次現身，談到她與拍拖6年的曾國祥在北海道新雪谷的小森林結婚，她想起婚禮依然sweet爆，她說：「未有好特別覺得新婚後有乜唔同感覺，未有時間度蜜月，可能我哋喺第二個地方結婚，所以感覺都好似發生咗好多嘢。」她又謂婚後幾日已回味婚禮的情境，她說：「太夢幻嘞！結婚前啲人都同我講要enjoy每個moment，因為好快過，我發現原來係真，會覺得過咗一個好開心嘅party。」
「佢有話錫晒我」
二人的婚戒是在手指上紋「愛的紋身」，曾國祥紋了9條線、王敏奕6條，代表他們的結婚日期，她說：「呢個梗係曾導演嘅諗法啦，成個婚禮90%都係佢負責，多謝佢畀個咁靚嘅婚禮我，呢啲嘢全部都係佢諗。對我嚟講越簡單越好，我提議不如紋一條線就算，佢話唔得，一定要有意義嘅。」曾國祥曾揚言是個「不婚主義者」，如今又突然閃婚，問王敏奕是否逼婚？她笑說：「我唔知呀！太肉麻嘅嘢費事講，結婚對每一對情侶嚟講都係講timing，佢覺得係時候啩。」問到老公有甚麼愛的宣言？王敏奕說：「我要求大家自己寫誓言，之前大家都冇睇過對方嘅，點知讀出嚟嘅時候，發覺好相似，佢有話錫晒我，當我係best friend。」
採訪：羅慧敏
攝影：陳俊強
化妝：King Yip of KingsMakeup
髮型：Ken Hui of ii Alchemy
場地提供：九龍貝爾特酒店