組合MIRROR昨日以師兄身份到奧海城出席《全民造星II》記者會，介紹其中30位學員登場兼一同載歌載舞，他們分成高大威猛組、形格舞者組、實力唱作組示人，其中69號阮頌揚和64號洪助昇因有幕前經驗佔優，阮頌揚說：「上台唔算太緊張，但平時同參加比賽係兩回事，呢兩個月令我進步好多。」洪助昇則表示：「最初會緊張，始終未試過喺咁多人面前唱歌，俾人感覺好幼嫩，參賽以嚟幫助到我投入情感表演。」另外14號吳啟洋被視為大熱，他自言各樣平均：「跳舞係我專長，其他都唔輸蝕，綜合實力平均。」
節目監製花姐透露學員已篩選至40強，至於今年獎金獎品方面，她透露：「今年冇100萬獎金，但有獎品，專登叫公司唔好畀獎金，好多參賽者唔係為錢，目的係想攞經驗同想加入娛樂圈。」至於是甚麼獎品？花姐保持神秘，但不排除是為勝出者開騷圓夢。