【周末專題】「供平過租」已超過一個年代。租樓逾10年的李太，當初覺得樓價貴，身邊人又話樓市會回調，但等了又等，樓價也不回。租樓一年花逾40萬元，兩年租金足夠付首期買上車盤。李太覺得幫人供樓不如自己供，兩年前花逾2,000萬元買入長實（1113）與市建局合作發展的中環My Central一個低層三房單位。貿易戰、逆權運動令樓價跌，她相信只是短期影響，樓價長遠會升，「因為我買咗樓！」
借五成按揭 月供3.9萬
李氏夫婦都是專業人士，李太從事金融業，李生亦薪高糧準。大學畢業投身社會後，租樓逾10年，她坦言當年有能力上車但沒買，「錯過咗時機，如果有機會，可以負擔到，應該買！（當年負擔到？）負擔到，要勒緊褲頭，樣樣嘢都要睇住，所以冇買到」；他們租過不少地方，2017年以約3.5萬元租住大坑一個實用500方呎單位，「覺得幫人畀緊按揭，如果負擔到首期，不如自己供」。
2017年長實與市建局合作發展的中環My Central推出首批50伙，首批折實均價約2.9萬元。李太覺當時樓市熾熱，項目距離中環約10分鐘步程，極近公司，自住和投資都是不錯選擇，「一路等樓市回，當時覺得不如試吓抽啦，因為樓市一路冇回過」。她認為貴買貴賣，最終花約2,000萬元買入一個實用839方呎三房單位，而且樓盤位處中環，屬單幢樓，無論日後轉售或出租都有叫座力。她借五成按揭，若以利息2.375厘分30年還推算，月供約3.9萬元。
李太記得當時坊間流傳炒籌，一個前籌賣100萬元，「兩年後睇返，嗰100萬元係值得畀，因為樓價升咗；所以抽唔到就唔買，抽到就照買。因為自住，唔係攞嚟炒，就算樓價跌，我都可以橫跨樓市循環」。目前不單止貿易戰，還有逆權運動，但她認為樓市短期調整，長遠仍會升，「因為我都買咗樓！」惟對於My Central出自長實之手，李太謂：「所以要搵驗樓師驗吓囉！」
負責驗收單位的是資深驗樓師詹濟南指，廚房相連士多房外角位地面石材與牆身有罅隙，拉尺度過後證實是地面石材剪裁不準確。單位多處地面石材鋪工欠佳，廚房門框腳邊的地面石，「鋪到一嚿嚿，最好是沿門框邊切割；好多師傅怕工夫多就唔做，結果出嚟咁嘅效果。如今畀人睇到雲石工夫唔夠班」。詹sir並指廁所企缸牆身石材之間掃口，「唔單止粗糙，有啲地方有罅……掃口位好鬆，隨時用水會入石背後」；他遂向企缸內石材灑水測試，約數分鐘後企缸外石材邊出現水珠，「即是話（係）條罅導致水入雲石背。有時水入雲石背，之後落雲石底，慢慢滲出去，會令門框腳發黑」。
石材鋪工差 驗樓評77分
設計方面，主人房浴室坐廁置於靠近走廊牆身，令喉管直接延伸至單位外。目前情況，如藏於走廊牆身的喉管淤塞，就要打爛地下石屎維修，所以使用時要注意勿亂丟棄垃圾入坐廁沖水。
單位尚有部份空心磚、地板鬆、工作平台門漏風等問題，總分77分。詹sir認為致命扣分位是石材，除鋪工欠佳，主要是掃口位做得不好；他指長實新盤評分近年維持70至80分，間中有「6」及「9」字頭分數。長實發言人回應，就上述單位，承建商已全部執修完工。
記者：陳家雄