今年亞洲小姐香港賽區決賽將於11月2日舉行，亞視昨日安排20多名佳麗在銅鑼灣進行首輪面試，不乏選美常客，今年落選港姐、24歲的吳玥彤表示趁後生來選亞姐，落選港姐心有不甘？她說：「唔會，攞咗好多經驗，學咗唔少嘢，有咗經驗信心大啲。」是否想如去年亞姐冠軍梁雪瑤般，選過港姐轉戰後獲勝？她答：「希望可以，同埋希望見到師姐可以了解更多。」三度落選港姐的范莎莎在朋友鼓勵下也轉戰選亞姐：「有少少信心，不過面試講普通話有少少漏口。」
李婉晴注重「厲」涵
首輪面試也不乏令人驚嚇的佳麗，報稱21歲，港大會計及金融系畢業、在投資銀行工作的李婉晴（Vikki），外形雌雄難辨，她以半鹹淡廣東話說：「牙（亞）洲小姐比較注重厲（內）涵，我覺得外形同身高有優勢！我巧（好）鍾意跳拉兵（丁）舞，玩小提琴，外形都巧巧（好好）！」至於越南和澳洲混血兒、27歲的蘇雙兒，膚色較黑，她說：「每個人標準唔同……都有信心。」
21歲的胡楚珊被評似無綫劇《愛．回家之開心速遞》中的池美麗，她反應很大說：「梗係唔似，我咁瘦，但有啲肉哋係好，唔通瘦到排骨咁咩。」現職教師的她在加拿大、香港教英文。
何麗全透露8月開始在網上招募，首輪面試約27人，收逾100張表格，年齡由18至28歲。很多落選港姐參選，何麗全說：「係呀，好事，畀啲女仔更多機會，選美眼界準則唔同。」他又指香港區決賽會有10名佳麗入圍，還有大中華區，再進行總決賽。
採訪：曹家誠、卓寶花
攝影：陳慧安