【名家足路】上周重心出擊洛辛堡[-1]順利命中，今個星期六繼續以挪超比賽做重心；獨腳戲白蘭恩主場對侯格辛特，白蘭恩雖然排名較高，但近況差勁，足智彩開盤亦有「熱唔透」之感，博侯軍「讓球主客和」[+1]「客勝」。
第五位的白蘭恩在歐霸盃外圍賽出局後，理應將注意力放回聯賽，爭前四再戰歐霸；不過近期戰績平平，4場只得1勝3負，包括主場2:3不敵下游分子特林素，失球數字亦偏高。海外博彩公司平均值，白蘭恩主W有1.73倍，亞洲盤屬讓半/一中水，足智彩當然亦有「低開」，但主W有1.65倍，算是比較貼近海外莊家水平，似熱唔透；事實上白軍今季10場主場只取得4勝，勝率僅4成，前列球隊來說並不算高。
侯格辛特處第九位，近4仗取1勝2和1負，搶分率尚高，首循環主場對白蘭恩亦和1:1，今仗有信心搶分，客軍最大隱憂是下周中需出戰挪威盃八強，作客莫達倫，不過以挪超球隊慣用較副選球員出戰本土盃賽，客軍留力機會亦不高。博「客勝」之餘，選擇較好分頭和波波膽2:2。
同日推介蘇超比賽，馬瑟韋爾主場對羅斯郡，馬瑟韋爾回勇三連勝之餘，3場都入3球，面對作客平平的羅斯郡，波膽取主隊勝3:1。
文：Goal進