悅和廠房內員工皆40歲以上，其中年紀最大的當數72歲的老師傳陳學平，拿着逾十斤的鐵勺攪拌着大鍋中的豉油揮灑自如，「唔重呀，你拎下！」手無縛雞之力的記者當然失禮於老人家前。
40℃工場揮汗如雨
「嗱，阿妹你睇吓，我哋呢啲叫原粒麵豉，見到粒粒黃豆，唔係周圍有得賣㗎！」於悅和工作近40年的陳師傅，本身已經是一本活歷史書，「1980年入行，行頭窄，冇其他人要我嘛！」陳師傳當年從內地來港，教育程度不高，只能從事體力勞動，於悅和從學徒做起，那些年的師傅，由於怕「教識徒弟冇師傅」，因此從不透露醬油配方，勤懇的陳學平只能從旁觀察偷師。
小伙子晃眼成老行尊，卻不介意將釀製醬油配方傾囊相授，早已過退休年紀，卻拒絕停下來，目前改以顧問身份，主要負責指導生產部員工，惟訪問期間，老人家卻沒一刻閒着，將豉油表面的泡沫舀走後，又要將1,600斤剛煮好的黃豆起鍋，於40℃的工場中揮汗如雨，難怪龐家對老人家珍而重之，龐中衡坦言，只要陳師傅不願停下，悅和大門會繼續為他敞開，「點會逼佢退休，寶嚟㗎！」