林海峰（Jan）一連7場talk show「林海峰是但噏Happy Monday」前晚在紅館揭開序幕，Jan在台上不時隱喻香港現況，話題圍繞逆權運動，首先他指「廢中」其實不了解年輕人：「你做後生嗰時暑假點過？你後生咪四大天王，今日嘅後生係五大訴求。」又指年輕人是社會棟樑，但他反問：「問題係啲未來棟樑棟咗喺邊？佢哋棟咗喺監倉度，法律學者、大學教授、議員、社工、大學生，棟咗喺監倉度。」
屈原暗喻現況
講到年輕時的家庭問題，Jan隱喻現今香港：「細個同細佬打交，阿媽就話唔好嘈，兩個都打，打到藤條都爛埋，之後唔知我定係細佬講話要登報脫離母子關係。」其後他指鄰居師奶遇同樣問題，卻只打其中一個仔，令兩兄弟打交打得更厲害，他說：「如果今日登報我會咁講，本人林海峰及細佬曉峰，感謝我媽以公平、公正、公開嘅方式處理我兩兄弟，絕冇大細超，不孝子上！」
Jan又指香港人改變了，以前香港人是叫「炒樓」，現在叫「加油」，因為香港人熱愛香港地，引來全場觀眾拍掌，他續說：「叫『香港人炒樓』係賺住嗌，你叫『香港人加油』係蝕住都叫落去。」Jan續表示最期待的假期是端午節：「端午節係紀念愛國詩人屈原投江自盡嘅，如果有一個人犧牲，你都有一日假期，我相信喺香港不久將來，全年可能返幾日工。」
秋生疑似爆粗
Jan的話題又包括無綫劇集《新紮師兄》，說當年睇完很想當警察：「當年個個同學勤力讀書，做醫生、律師，我都勤力，不過成績唔好，嗰個張偉杰得中三程度，我睇嗰時係中四，多佢一年，同埋我睇嗰時，佢只係跑吓步、敬吓禮咁就做到差人。」但他指今時不同往日，並揶揄無綫：「我諗今日如果TVB重拍《新紮師兄2019》會點呢？6.12播第一集，牛頭角順嫂睇睇吓會唔會：『哎呀，點解變成咁樣，咁暴力嘅？畀番以前嘅張偉杰我啊！不如睇番《6點半新聞報道》算喇！』睇《6點半新聞報道》好多嘢睇唔到！」
安哥部份，Jan與黃秋生、葛民輝以辦公室不同角色出場合唱，以公司飯局鼓勵打工仔，再辛苦都要努力、奮鬥。秋生見很多觀眾，講笑謂：「咁多人喺度嘅？合唔合法㗎？」而秋生扮演廣東話發音不純正的經理，笑言觀眾「好high」像諧音粗口，最後眾人合唱陳百強《疾風》作結。
採訪、攝影：曹家誠、王連連