【本報訊】要尋人，首先要知道被捕者姓名，但在現場簡單問一句「你叫咩名」，也絕非易事，往往遇到警方阻撓。社工Penny曾到天水圍警署外參與被捕支援工作，問被捕者名字及身份證號碼，協助他們找律師，惟警員見狀立即「推人走」，又會「鬥大聲」，斥責：「唔好阻住警察執行職務！」Penny批評，「佢哋（被捕人士）只係疑犯，未被定罪，應該要得到應有嘅法律支援，但警方𠵱家嘅做法，係阻礙被捕人士權益」。
Penny是中學駐校社工，亦是「社工復興」成員。8.5當日，大批市民在天水圍警署外被捕，當中不少只是「踢拖嘅街坊」。他憶述：「當時警方喺冇勸喻之下就拉人，惟有盡量問街坊嘅資料，有啲只得12、13歲，我只係想幫佢哋搵律師。」在示威現場，經常聽到警員反問社工：「你係律師咩？邊個問名？」Penny反駁：「就係我哋冇呢個身份（律師），先要幫被捕人士搵律師。」
被斥白色恐怖濫捕
連同「陣地社工」陳虹秀在內，已有六名社工及社福界人士被捕提堂，Penny對此感憤怒，「其實社工角色一向『和理非』，只係想喺現場紓緩氣氛，但𠵱家警方濫捕社工，拉完再安一個罪名落去」。
他坦言這是白色恐怖，無論最終是否「告得入」，對該名社工而言已構成壓力。陳虹秀早前亦表示，被控後接到不明電話滋擾。
Penny形容，社工在示威現場是進行人道救援工作，但隨着事態發展，社工在現場的角色已有限，「以前如果知道示威者都想走，會幫手同警察buy time；但𠵱家警察規則唔同咗，會有社工被捕，輕則拉非法集結，重則拉暴動」。
有大律師表示，根據終審法院譚立輝案，「一個人了解返權利，了解警察係做緊咩程序，拎資料去聯絡律師，呢啲唔係阻差辦公嘅行為」，而被捕者亦有權向現場人士透露姓名及身份證號碼。
他批評警方欲以阻差辦公為藉口嚇退社工，「一般市民唔會清楚個範圍去到幾闊㗎嘛，自然會驚」。他認為這絕非個別警察的行為，而是整個警隊的風氣。
■記者蘇曉欣