「我十年喺佢哋（大媽）身上使咗300幾萬！」在屯門公園與性感娜娜大跳辣身舞，因而引發一場「光復屯門公園」行動，男主角Happy伯現身接受《蘋果》獨家專訪，他對「大眾契爺」稱號非常受落，自爆十年間在公園收了十個「契女」，包括新寵娜娜，但他最喜歡「小紅」，至少派給她100萬元，「我啲錢多到用唔晒，最緊要開心，好值得！」
隱形富豪擁逾十物業
一身Hip Hop打扮的Happy伯，原來已達83歲高齡，他姓陳，是海豐人，3歲來港，育有一子一女，現時跟兒子及孫兒住在屯門，與太太則分開住。至於他經常大派利是，並不是裝豪氣，而是真正的「隱形富豪」。
90年代起，陳伯在武漢設家具廠，之後交由兒子打理，現擁有十多個物業收租、股票投資等，生活無憂。對於持續逾三個月的反送中運動，他直言理解年輕人，反指林鄭處理手法不當：「好多嘢特首搞錯咗，到𠵱家都感覺到佢係大晒，呢啲就唔得，睇到咁嘅環境，你做特首應該就吓人。」
陳伯20年前開始「蒲」屯公，當時只有老人家吹簫、彈結他，「直至06、07年大陸婆嚟，就有人開始畀紅包，十幾廿檔咁，最高峯時有成五千人。」他自言一聽歌就開心，每次派三、五千元利是，「見人跳舞，我就走出去跳，一開心就畀錢，即使身上冇錢，我都即刻去碌卡（提款）！」
被冠以「大眾契爺」稱號，全因過去十年收了十名契女，陳伯坦言在她們身上已花300多萬元，有契女更因而發大財買車又買樓。他直言最喜歡看「小紅」，「佢唱歌一流，佢認第二，冇人敢認第一！」而陳伯就愛娜娜夠年輕，大讚她跳舞第一，因此除了到屯公捧場，契女們的茶會、生日會例必出席。早前參與「小兔生日會」，兩小時就豪派近六千元，更說娜娜一定要最大份，「一小時唱15首歌，娜娜我一定（要佢）唱超過15首歌，一定派超過二千。其他人，每人派四、五百。」
「我冇要求過性關係」
對於外界指大媽們貪錢才黐埋身，陳伯也不是老懵懂：「人係咁㗎喇，但唔好計較，最緊要開心！」至於有否跟契女們發生性關係，他斬釘截鐵說：「絕對冇，我從來冇要求過，（佢哋主動呢？）唔好講，唔講得……我做得正，唔係鹹濕，人哋點講我唔理！」
不過他坦言見過領政府綜援、生果金的阿伯，為大媽花盡錢財，「佢哋十蚊十蚊咁畀，廿個就畀二千蚊，一個月就六千蚊，連食都冇得食。我見過兩個，錢冇晒，谷氣死咗。」他曾勸其他老友記量力而為，但有時「真係忍唔住」，「阿伯好簡單，（大媽唱着歌）走過嚟，叫佢哋支持，阿伯聽到就好開心，於是一個支持，十個廿個要支持，一個月三、五千蚊，乜嘢都冇。」
至於大媽噪音犯眾憎，陳伯也認同：「我曾經提佢哋唔好咁大聲，因為遲早玩完，𠵱家咪玩完囉！」現時大媽們主力轉戰酒樓，一星期約有三場，記者早前參加過另一場「小月生日會」晚宴，雖未見Happy伯出現，但仍有其他伯伯大灑金錢，其中一名紅裙大媽挨着記者身旁的伯伯，雙手捉住其右手不斷搓揉；另一黑裙大媽又撲過來：「契爺，見到你好開心呀！」作勢飲交杯酒又揉阿伯肩膀。記者大讚伯伯全場最受歡迎，他笑笑口說：「佢哋係歡迎銀紙箒！佢哋搵食，我開心又有錢，咪畀囉！」
據知，酒枱由各大媽認購，扣除一圍約2,800元成本及琴師費100元，門票收入一圍可賺300元，另大媽輪流繞場唱歌每首歌均獲打賞，以每枱十名食客計，每輪收約千元利是，連同跳舞打賞，出席一次舞宴最少收4,000元，是在屯門公園賣唱的倍計。
■記者郭美華、莊建鑫
