【本報訊】消防處一直以「重複點算」解釋數錯傷者數目，高級助理救護總長羅信堂昨稱，當晚在場的一名救護指揮官初部檢視時，須在「400米賽道」上以快速、目視、查詢等初部檢視方法，決定現場傷者數目，而月台非常混亂，「400米咁長，大家可以想像普通人參與400米都索晒氣，我哋救護指揮官騰嚟騰去」。
羅稱初部記錄時需行足全場，但時間有限，年齡都沒記錄，「佢係盡力行足月台每一個位，有人嘅佢就會行去查詢，400米月台，咁長嘅位置，行一圈問晒咁多人，時間都唔短」，在佈滿傷者的月台上，傷者或曾移動過，導致重複點算。
稱腳傷者或自行離開
港鐵資料顯示，荃灣線及觀塘線列車總長為182米，來回月台一次亦僅為364米，與羅口中的400米有距離。羅又指，現場人員不敢肯定傷病者嚴重程度，「例如有啲人嚇一嚇，受驚，就係氣促嘅傷情」，呼吸急促個案便會界定為嚴重；至於「頭部受傷，血流披面，評為嚴重個案，但可能只係頭皮受損……好似好恐怖，但都可以走動」。亦不排除部份人士初時稱需要救護服務，後來不需要，或最初以為嚴重個案，後評為普通。
對於有原紀錄為腳傷傷者「失蹤」，羅稱不清楚，只推測「（傷者）可能行得走得，我哋問佢有乜事，佢話腳少少痛，我哋就記低」，傷者可能傷勢轉輕或認為可自行離開求醫。他又指紅色傷病者不代表不能走動。
■記者趙雅婷、曾偉龍