由郭炳湘創立的帝國集團現時由郭基浩（Jonathan）同郭蕙珊（Lesley）分別打理地產同投資業務，自5月份開始行到幕前見傳媒，但始終都未肯畀人扑咪。
噚日兩姐弟同麗新高層一齊出席租戶開幕剪彩活動，可能因為出席活動經驗尚淺，兩姐弟仍然係受保護動物，大多數時間跟稿講嘢，同主力做Model俾人影相。
唯一唔同嘅係，上次佢哋講完嘢即閃，今次就有人成功額外問到Jonathan兩句租賃市況，話現時租出物業係有少少困難，但相信都係心理影響多，然後好快就有人出嚟保駕護航。
不過，噚日嘅活動都反映到兩姐弟應該人緣幾好，因為噚日麗新除咗林建岳嘅三女林顥伊（Evelyn）之外，本身邀請信上冇嘅龍鳳胎林孝能（Lucas）和林心兒（Eleanor）都有現身捧場呢個活動，而之前賣樓都未見過呢個陣容。唔知下次帝國有活動，又會唔會有其他神秘嘉賓呢？
李華華
mailto:[email protected]