【本報訊】親政府組織保衞香港運動昨日在醫管局正門前發起「快解僱黑心醫護」集會，約40人身穿白衣及藍色帽舉橫額及叫口號抗議，集會歷時約20分鐘，參與人士高叫「撐醫療界聯署，反對放生暴徒」、「醫管局快解僱，仇警黑心醫護」等口號，要求醫管局主席梁智仁正視，後醫管局派代表接信。
「點解唔搵遮插李嘉誠？」
保衞香港運動主席傅振中表示，昨日到醫管局集會是為了支持聯署的600名醫護，又稱以頭盔及紗布蒙眼抗議的醫護人員為「暴徒打扮」、「好似黑社會」，指在醫院內的示威活動令病人身心靈受創，「會令病人好驚，喺醫院呢個本應平靜嘅環境，係應該畀病人有休養生息嘅機會」，傅將醫院內的抗議行動形容為對病人的「精神虐待」，「用人多勢眾嘅形象去恐嚇唔同政治立場嘅人」。
有出席集會的參與者郭女士稱，警察在醫院受到醫護不公平對待，「無論佢面前呢個係敵人定自己人，只要佢係一個病人，作為一個醫護就要憑住佢天使嘅身份，去救助身心受創嘅人」，又叫梁智仁要「有智慧、有仁義之心，手起刀落將呢啲人斬咗佢，踢出醫護界」，又斥示威者將雨傘改裝插警察，「點解唔去插李嘉誠嘅？李黃瓜啊，點解唔去插佢啊？點解要插我哋嘅警察啊？」
■記者李雨夢