《蘋果》連月追蹤，揭開屯門大媽搵錢三部曲。首先下午到屯門公園「粉絲見面會」收打賞；然後酒樓包場開派對，繼續賣枱收利是；最後就是收兵「求包養」，𠱁得「鐵粉」照顧日常起居，生活無憂。《蘋果》發現在小月生日會晚宴上，「龍兒」為最受歡迎的年輕大媽，散席後還有「鐵粉」送返屋企，平日則有「運輸兵」的士司機管接管送。有資深檔主透露，大媽有足夠人氣，檔主才會邀請開工，所以大媽們為保障收入都會好好經營一套「收兵策略」。
千元賞金匯返家鄉
長髮披肩、溫文爾雅的大媽龍兒，年約40歲，獲不少大叔青睞。在生日會散席後，記者見有兩名伯伯護送回家，其中一位先行離去，剩下二人邊行邊細聲講大聲笑，行至一條後巷，她見伯伯顯出疲態，即使自己手挽一個大袋，仍主動挽着伯伯手臂攙扶，直至抵達她家才分道揚鑣。
事實上，龍兒「收兵」確有一手。記者追蹤發現，她平日沒工開，會打扮得樸樸實實，輪流與兩名大叔「鐵粉」飲茶，每次都傾足兩小時才埋單離開，出入更有任職的士司機的「運輸兵」管接管送。午飯後，龍兒偶爾會到屯門公園開工，賣唱前總會買定大量水及紙包飲品，到唱歌時派給觀眾，部份人會趁機打賞，記者目測她一日收賞金過千元；翌日更會到找換店，將大量現金匯返家鄉。
有街坊透露，龍兒來自廣東，在公園唱歌約四年，對於大媽有「鐵粉」管接管送，街坊直言其實是保鑣：「十個（大媽）有十個都係咁，要畀返約200蚊一日。」據在園內擺檔十多年的琴姐所知，光復行動後，到屯公搵食明顯艱難，檔主紛紛組隊轉戰到油麻地廟街、中環碼頭，但大媽出市區賣唱，必須知名度高、有號召力，確保有足夠鐵粉捧場才獲准入隊，故大媽平日用心與粉絲培養感情。她指有鐵粉死心塌地照顧大媽日常起居，「有鐵粉使咗十萬，你肯唔肯使？」
在園內聽歌近十年的霍先生稱，伯伯聽大媽唱歌是唯一娛樂，部份人更如歌迷追偶像般，「每日都嚟，唔聽唔舒服！」但他強調歌迷打賞是欣賞歌手，「純粹係娛樂，冇出面傳言黃色嗰啲。」另一伯伯直認有追捧大媽，更不介意每日打賞過百元，「開心吓，當打麻雀輸咗！」
■記者黎少英、阮斌