林海峰在紅館舉行一連7場的talk show「是但噏2019」，昨晚首場揭開序幕，林嘉欣有來捧場。昨晚6時半，穿上團隊tee的林海峰在紅館後台拜神，「軟硬」好友葛民輝現身。
林海峰的舞台甚創意，中間有對穿西褲、皮鞋的大腳，旁邊有巨型的文件夾、筆記簿、斟水機及影印機，最搞鬼是腳旁有塊香蕉皮。林海峰以主題tee、短褲、涼鞋街坊look現身舞台，螢幕出現「林狗下台」字句的相片，觀眾不停叫「光復香港 時代革命」，他說︰「有啲人叫我講嘢中立啲，又有人話靠我發聲，突然我覺得自己好重要，當我係乜，擺我上枱，𠱁人笑難，𠱁一班唔開心嘅香港人笑更難，但激嬲全香港人好易，一個人就可以做到。」他說原本在Happy Monday可以很開心，但這個月發生很多事︰「每個（星期）六、日後，星期一就好唔開心返工，其實只要有一個人唔返工，全香港嘅人返工就好開心，咪就係我囉。你如果唔想我返工，我就落台換衫，嗱！我嗌林狗，你哋要嗌……」觀眾和應︰「下台。」之後林海峰寸完林鄭，再寸香港警察。
採訪︰王連連
攝影︰葉君海