【本報訊】雷賢達指自己為國家發展，成為首批北上做基金的香港人；2005年北上，但三年後意興闌珊回港，他總結經驗：「我發覺咁搞法唔掂，你都係搵返當地人去做啦。」
當年內地開放金融市場，雷賢達北上發展開放基金，「我哋係第一間，整個過程、投資策略教晒佢哋」。他形容所有內地人都非常進取，同事短時間掌握所有知識，甚至第一日就有人挑戰他，「公司成立第一日，有同事同我講，雷總，我第日要坐你個位」。
內地人甚至無視規矩，「我做貨幣基金，計過買30日、90日，最多1.25%回報，但有內地公司做到2.2%，相差1%。我都唔係唔識嘢，但計嚟計去都諗唔到，原來佢哋買長債，但我哋唔俾買長債，佢哋搵人代持」。因為貨幣基金要保本，不能蝕本；數月後息口上升，長債價跌，這家內地公司要作巨額賠償。
現專注下一代教育
「個投資總監問我，你認為唔使賠係好事？我哋回報低咗，冇咗個market，冇咗幾百億。全公司同我對着幹，話雷總你阻住我哋呀。」雷賢達指他們認為出問題，總會有方法解決，「唔做就死路一條，做咗先再補救」。香港人一向跟規矩，故他做了幾年就回港。
雷賢達相信全球經濟增長要是靠中國，故要理解「中國模式」，但他認為中國終有一天會改變，只不過需要一段以十年計的時間。
他認為港人想要爭取更多，必先做好自己，故他目前專注於下一代教育，為基層學生提供各種活動，開闊他們眼界，「例如去半島，睇吓最一流服務係點，學習做嘢唔可以求其。例如去手術室參觀，了解醫生點拯救生命，有病人想活多一日都冇，可能佢哋都唔會隨便跳落嚟」。